சென்னை: அண்ணா பல்கலை மாணவி பாலியல் வன்கொடுமை செய்த வழக்கை விசாரித்து வந்த சிறப்பு புலனாய்வு குழுவில் இருந்து சைபர் கிரைம் டி.எஸ்.பி., ராகவேந்திரா கே.ரவி விலகினார்.

கிண்டியில் உள்ள அண்ணா பல்கலை மாணவி பாலியல் வன்கொடுமை செய்யப்பட்ட சம்பவம் தொடர்பாக தி.மு.க.,வை சேர்ந்த ஞானசேகரன் என்பவரை போலீசார் செய்தனர். இந்த வழக்கில், பல்வேறு சர்ச்சைகள் எழுந்த நிலையில், சிறப்பு விசாரணைக்குழு அமைத்து ஐகோர்ட் உத்தரவிட்டது.


அதன்படி சென்னை அண்ணாநகர் துணை ஆணையர் சினேகபிரியா, ஆவடி துணை ஆணையர் ஐமான் ஜமால், சேலம் துணை ஆணையர் கொண்டதாக சிறப்பு விசாரணைக்குழு அமைக்கப்பட்டது. இந்த குழுவில் மாநில சைபர் கிரைம் டி.எஸ்.பி., ராகவேந்திரா ரவி இடம் பெற்றிருந்தார். இந்தக் குழுவினர் எழும்பூரில் உள்ள சிறைத்துறை அலுவலகத்தில் தொடர்ந்து விசாரணை நடத்தி வருகின்றனர்.


இந்த நிலையில், இந்த விசாரணைக் குழுவில் இடம்பெற்றிருந்த டி.எஸ்.பி., ராகவேந்திரா ரவி, திடீரென விலகுவதாக அறிவித்துள்ளார். தன்னை சரியாகப் பணி செய்ய விடாமல் பெண் ஐ.பி.எஸ். அதிகாரிகள் கடுமையாக நடந்து கொண்டதால் இந்த முடிவை எடுத்திருப்பதாகக் குற்றம்சாட்டிய அவர், டிஎஸ்.பி., பணியை ராஜினாமா செய்வதாகவும் டி.ஜி.பி.,க்கு கடிதம் எழுதியுள்ளார். டி.எஸ்.பி.,யின் இந்த முடிவு போலீஸ் வட்டாரத்தில் பெரும் அதிர்ச்சியை ஏற்படுத்தியுள்ளது.