புவனகிரி; புவனகிரி ஆதிவராகநத்தத்தில் கால்நடை சிறப்பு மருத்துவ முகாம் வேளாண் புல இறுதி ஆண்டு மாணவர்கள் நடத்தினர்.

சிதம்பரம் அண்ணாமலை பல்கலைக்கழக வேளாண் புல இறுதியாண்டு மாணவிகள் கிராமங்களில் தங்கி விவசாயிகளுடன் நேரடி பயிற்சி பெற்று வருகின்றனர். இதில் விவசாயிகளுக்கு பல்வேறு ஆலோசனைகள் வழங்கி, அவர்களுடைய அனுபவங்களை கேட்டு அறிந்து வருகின்றனர். அதில் ஒரு பகுதியான கால்நடைகளுக்கு சிகிச்சை மற்றும் மருத்துவ முகாம் நேற்று நடத்தினர்.

பேராசிரியர் பாலமுருகன் தலைமை தாங்கினார். மாணவியர் குழுத் தலைவி கனிமொழி வரவேற்றார். கவுன்சிலர் பாரதிதாசன் காளிமுத்து முகாமை துவக்கி வைத்தார். கால்நடை டாக்டர் தனலட்சுமி, ஆய்வாளர் ஜெயந்தி, பார்வதி உள்ளிட்ட மருத்துவ குழுவினர் கால்நடைகளுக்கு சிகிச்சை அளித்தனர். ஏற்பாடுகளை அண்ணாமலை பல்கலைக்கழக வேளாண் புல இறுதி ஆண்டு மாணவிகள் காரூண்யா, கார்திகா, கனித்தா, கனிஷ்கா, கமலவர்ஷிணி, யோகேஷ்வரி, காமினி உள்ளிட்ட குழுவினர் செய்திருந்தனர்.

மாணவி ஜைரன் நன்றி கூறினார்.