கண்டாச்சிபுரம்: கண்டாச்சிபுரம் சக்திவேல் முருகன் கோவிலில் பால்குட ஊர்வலம் நடந்தது.

கண்டாச்சிபுரம் வெற்றிவேல் குன்றம் சக்திவேல் முருகன் கோவிலில் நேற்று முன்தினம் பங்குனி உத்திர கொடியேற்றம் நடைபெற்றது. தொடர்ந்து நேற்று காலை 8:00 மணியளவில் 108 பெண்கள் பங்கேற்ற பால்குட ஊர்வலம் நடைபெற்றது.

தொடர்ந்து மூலவர் சக்திவேல் முருகனுக்கு பாலாபிஷேகம் நடைபெற்றது. சிறப்பு அலங்காரத்துடன் தீபாராதனை, நேர்த்திக் கடன் செய்த பக்தர்களுக்கு பிரசாதம் வழங்கப்பட்டது.

கண்டாச்சிபுரம் மற்றும் அதனைச் சுற்றியுள்ள பகுதிகளை சேர்ந்த திரளான பக்தர்கள் கலந்துகொண்டு சுவாமிகளை வழிபட்டனர். இரவு மயில் வாகனத்தில் உற்சவ மூர்த்தி சுவாமிகள் வீதியுலா நடைபெற்றது. ஏற்பாடுகளை கோவில் நிர்வாகிகள் மற்றும் ஊர் பொதுமக்கள் செய்தனர்.