காஞ்சிபுரம்:செங்கல்பட்டில் இருந்து, காஞ்சிபுரம் வழியாக, திருத்தணி செல்லும் சாலை 85 கி.மீ., நீளம் உடையது. வாகன போக்குவரத்து அதிகம் உள்ள இந்த இருவழச் சாலையை நான்குவழிச் சாலையாக விரிவாக்கம் செய்ய வேண்டும் என, கோரிக்கை எழுந்தது.

இதையடுத்து, சென்னை - கன்னியாகுமரி சாலை விரிவாக்க திட்டத்தின் கீழ், நான்குவழிச் சாலையாக விரிவுபடுத்தப்பட்டு சாலையோரம் மழைநீர் வடிகால்வாய் மீது நடைபாதை அமைக்கப்பட்டுள்ளது.

தற்போது, நடைபாதையில் நடந்து செல்லும் பாதசாரிகளின் பாதுகாப்புக்காக, இரும்பு கிரில் தடுப்பு அமைக்கும் பணி நடந்து வருகிறது.

இதில், சில இடங்களில், கடைகளுக்கு செல்லும் வழியை மறித்து தடுப்பு அமைப்பதால், தங்களுக்கு வியாபாரம் பாதிக்கப்படுகிறது. எனவே, கடைகளுக்கு செல்லும் பாதையில் தடுப்பு அமைப்பதை நெடுஞ்சாலைத் துறையினர் தவிர்க்க வேண்டும் என, அப்பகுதி கடை உரிமையாளர்கள் வலியுறுத்தி உள்ளனர்.