ஸ்டாக்ஹோம்: நீச்சல் போட்டியில் ஜெர்மனியின் மார்டென்ஸ் ('பிரீஸ்டைல்' 400 மீ.,) உலக சாதனை படைத்தார்.

சுவீடனில், 'சுவிம் ஓபன் ஸ்டாக்ஹோம்' நீச்சல் தொடர் நடந்தது. ஆண்களுக்கான 400 மீ., 'பிரீஸ்டைல்' பிரிவில் ஜெர்மனியின் லுாகாஸ் மார்டென்ஸ், பந்தய துாரத்தை 3 நிமிடம், 39.96 வினாடியில் கடந்தார். இதனையடுத்து 400 மீ., 'பிரீஸ்டைல்' பிரிவில் இலக்கை குறைந்த நேரத்தில் கடந்து உலக சாதனை படைத்தார். இதற்கு முன் 2009ல் இத்தாலியில் நடந்த உலக சாம்பியன்ஷிப் போட்டியில் ஜெர்மனியின் பால் பைடர்மேன், பந்தய துாரத்தை 3 நிமிடம், 40.07 வினாடியில் கடந்து உலக சாதனை படைத்திருந்தார்.
மார்டென்ஸ் 23, பாரிஸ் ஒலிம்பிக் 'பிரீஸ்டைல்' 400 மீ., போட்டியில் (3 நிமிடம், 41.78 வினாடி) தங்கம் வென்றிருந்தார்.