'மாருதி சுசூகி' நிறுவனம், அதன் 'வேகன் ஆர்' காரை மேம்படுத்தி உள்ளது. இது, இந்நிறுவனத்தின் அதிகம் விற்பனையாகும் கார் ஆகும். இதன் விலை, 14,000 ரூபாய் அதிகரித்துள்ளது. இந்த கார், 10 மாடல்களில் வருகிறது.

முந்தைய காரில், இரண்டு காற்றுபைகள் மட்டுமே இருந்தன. தற்போது பாதுகாப்பை அதிகரிக்க, ஆறு காற்று பைகள் அடிப்படை அம்சமாக வழங்கப்படுகிறது.

பின்புற பயணியருக்கு '3 - பாயின்ட் சீட் பெல்ட்' வசதி, 20 சதவீதம் எத்தனால் கலப்பு பெட்ரோலை பயன்படுத்தும் வகையில் மேம்படுத்தப்பட்ட இன்ஜின் ஆகியவை புதிய மாற்றங்கள்.

உட்புற மற்றும் வெளிப்புற டிசைனில் எந்த மாற்றமும் இல்லை. வெளிப்புற எலக்ட்ரானிக் கண்ணாடிகள், டூயல் டோன் டேஷ்போர்டு, 7 அங்குல டச் ஸ்கிரீன், ஆண்ட்ராய்டு ஆட்டோ மற்றும் ஆப்பிள் கார்பிளே, ஏ.பி.எஸ்., இ.பி.டி., சென்ட்ரல் லாக்கிங் வசதி மற்றும் பின்புற பார்க்கிங் சென்சார்கள் உள்ளிட்ட பல அம்சங்கள் இதில் உள்ளன.

இந்த காரில், 1 லிட்டர், 3 சிலிண்டர் பெட்ரோல், 1.2 லிட்டர், 4 சிலிண்டர் பெட்ரோல் மற்றும் 1 லிட்டர், 3 சிலிண்டர் பெட்ரோல் - சி.என்.ஜி., என மூன்று வகையான இன்ஜின்கள் உள்ளன. மேனுவல் மற்றும் 'ஏ.எம்.டி.,' என்ற ஆட்டோ கியர்பாக்ஸ்களில் இந்த கார் வருகிறது.