அன்டல்யா: துருக்கியில் உலக கோப்பை வில்வித்தை ('ஸ்டேஜ் 3') நடக்கிறது. காம்பவுண்டு அணிகளுக்கான போட்டி நடந்தது. ஜோதி, சிகிதா, மதுரா இடம் பெற்ற இந்திய அணி, அரையிறுதியில் வலிமையான தென் கொரியாவை சந்தித்தது. இதில் இந்தியா 234-242 என தோல்வியடைந்தது.

அடுத்து நடந்த வெண்கலப் பதக்கத்திற்கான போட்டியில் இந்தியா, அமெரிக்கா மோதின. 3 செட் முடிவில் ஸ்கோர் 179-179 என சமனில் இருந்தது. கடைசி செட்டில் இந்தியா 59-60 என ஏமாற்றியது. முடிவில் இந்திய அணி 238-239 என்ற கணக்கில் வீழ்ந்தது.
ரிஷாப், அபிஷேக், ஓஜாஸ் அடங்கிய இந்திய ஆண்கள் அணி, முதல் சுற்றில் 241-242 என சீன தைபே அணியிடம் அதிர்ச்சி தோல்வியடைந்தது.