விழுப்புரம்; கோடைக் காலத்தில் கூட்ட நெரிசலைத் தவிர்க்கும் வகையில், விழுப்புரத்தில் இருந்து திருச்சி வழியாக ராமேஸ்வரத்திற்கு, கடந்த மே 2ம் தேதி முதல் விரைவு ரயில் இயக்கப்பட்டு வந்தது. வாரந்தோறும் திங்கள், செவ்வாய், வெள்ளி, சனிக்கிழமைகளில் ரயில் இயக்கப்பட்டது.

விழுப்புரத்திலிருந்து காலை 4:15 மணிக்குப் புறப்பட்டு, முற்பகல் 11:40 மணிக்கு ராமேஸ்வரத்தை சென்றடையும். இதேபோல், ராமேஸ்வரத்தில் இருந்து பிற்பகல் 2:35 மணிக்குப் புறப்பட்டு இரவு 10:35 மணிக்கு விழுப்புரம் வந்தடையும். இந்த சிறப்பு ரயில், ஜூன் 30-ஆம் தேதி வரை இயக்கப்படும் என தெற்கு ரயில்வே அறிவித்திருந்தது.

பயணிகள் போதிய அளவில் பயணிக்கவில்லை என்கிற காரணத்தால், ராமேஸ்வரம் சிறப்பு ரயில், வரும் 13 ம் தேதி முதல் ரத்து செய்யப்படுவதாக தெற்கு ரயில்வே திருச்சி கோட்ட அலுவலகம் தெரிவித்துள்ளது.