வெளிநாட்டில் பட்டப்படிப்பு: பெற்றோருக்கு ஸ்ரீதர் வேம்பு எச்சரிக்கை!
சென்னை: ''வெளிநாடுகளில் பட்டப்படிப்பு என்ற பெயரில், இளைஞர்களை கடன் சுமைக்கு ஆளாக்க கூடாது,'' என்று ஸோஹோ நிறுவனர் ஸ்ரீதர் வேம்பு தெரிவித்துள்ளார்.
ஸோஹோ கார்ப்பரேசன் என்பது, பன்னாட்டு தொழில்நுட்ப நிறுவனம். வர்த்தக மென்பொருட்களை தயார் செய்கிறது. பல்வேறு உலக நாடுகளில் இதன் கிளைகள் செயல்படுகின்றன. இந்நிறுவனத்தின் நிறுவனர் மற்றும் தலைமை விஞ்ஞானியான ஸ்ரீதர் வேம்பு தமது சமூக வலைதள பதிவில் கூறியிருப்பதாவது:
அமெரிக்காவில் உள்ள சிறிய கல்லூரி ஒன்றில் மாணவர் ஒருவர் முதுகலை பட்டப்படிப்புக்காக ரூ. 70 லட்சத்தை 12 சதவீதம் வட்டிக்கு வாங்கி உள்ளார். இது ஒரு அபாய அழைப்பு.
தகவல் தொழில்நுட்பத்துறையில் (ஐடி) வேலைவாய்ப்பு நிலவரம், குறிப்பாக வெளிநாட்டு மாணவர்களுக்கு இப்போது மோசமாக இருக்கிறது. அதுவும், கடனுக்கு செலுத்த வேண்டிய தவணைகளும் விரைவிலேயே தொடங்கி விடுகின்றன.
செயற்கை நுண்ணறிவு (Artificial Intelligence) சகாப்தத்திற்காக நாம் நம்மை மாற்றிக் கொள்ளும் நிலைக்கு ஏற்ப பணியாளர்களை நாங்கள் பணி அமர்த்தவில்லை. யாரையும் பணி நீக்கம் செய்யக்கூடாது என்ற கொள்கை காரணமாக, பணி அமர்த்துவதில் மிகுந்த எச்சரிக்கையுடன் இருக்கிறோம்.
வெளிநாட்டில் பட்டப்படிப்பு படிப்பதற்காக அதிகமாக கடன் வாங்குவதில் மாணவர்கள், பெற்றோர் மிகுந்த எச்சரிக்கையாக இருக்க வேண்டும் என்று கேட்டுக்கொள்கிறேன். இந்தியாவிலும் பட்டப்படிப்புகளை படிக்க அதிக கடன் வாங்குவது விவேகமற்றதும் கூட.
கல்வியின் பெயரில் இளைஞர்களை கடன் சுமையில் சிக்க வைக்கக்கூடாது என்று நான் உறுதியாக நம்புகிறேன். வேலை வழங்குவோரே பயிற்சித் திட்டங்களுக்கு நிதி அளிக்க வேண்டும். பட்டப்படிப்புகளை ஏற்காமல் இதுபோன்ற பயிற்சித் திட்டங்களை தொழில் துறையினர் ஏற்றுக் கொள்ள வேண்டும்.
ஒரு நிறுவனத்தின் சிறந்த முதலீடு என்பது ஊழியர்களின் பயிற்சி மற்றும் திறன் மேம்பாடே ஆகும். எனவே, இளைஞர்கள் கடனில் சிக்காமல் இருக்க நிறுவனங்கள் இதை பரவலாக செய்வார்கள் என்று நம்புகிறேன்.
இவ்வாறு அவர் தமது பதிவில் குறிப்பிட்டுள்ளார்.
ஶ்ரீதர் வேம்பு சரியாகத்தான் சொல்கிறார். காலம் மாறுகிறது. ஐடி துறையில் ஐந்து ஆண்டுகளுக்கு முன் இருந்த வாய்ப்புகள் இப்போது இல்லை. ஆங்கிலம் பேசும் அமெரிக்கா, கனடா, இங்கிலாந்து, ஆஸ்திரேலியா போன்ற நாடுகளில் அதிக எண்ணிக்கையில் இந்தியர்கள் இருப்பதால் அங்கெல்லாம் இந்தியர்களுக்கு எதிரான சூழல் உருவாகி வருகிறது. இந்தியர்களுக்கு வேலைவாய்ப்புகள் வழங்குவதை தவிர்க்கத் துவங்கியுள்ளார்கள். இந்நிலையில் வங்கியில் 50-70 லட்சம் கடன் வாங்கி படிக்கச் செல்வது ஆபத்தான செயல். சொந்த பணத்தில் சென்றாலும் போட்ட பணத்தை வேலை செய்து சம்பாதிப்பதன் மூலம் திரும்ப மீட்பது சிரமம். இந்தியர்களுக்கு வேலையே கிடையாது எனும் சூழ்நிலையை நோக்கி அந்த நாடுகளில் இந்திய வெறுப்பு அதிகரித்து வருவது முக்கிய காரணம். உள்நாட்டு மக்களுக்கு மட்டுமே அனைத்து வேலைவாய்புகளிலும் முன்னுரிமை என்ற கோஷம் அதிகரித்து வருகிறது. விசா கெடுபிடிகள், தங்குமிட வாடகை, தினசரி செலவுகள் அதிகரிப்பு, எதிர்பாராத வன்முறைகள், இப்படி எல்லா வகையிலும் பிரச்சினைகள் கூடிக்கொண்டே வருகிறது. 10, 20, 30 ஆண்டுகளுக்கு முன் இருந்த நிலைமை இப்பொழுது இல்லை. எனவே இந்தியாவிலேயே படித்து, இங்கேயே வேலையிலோ அல்லது சொந்தமாக தொழில்கள் துவங்கியோ வாழ முயல்வது புத்திசாலித்தனம். பெற்றோர் தங்கள் பிள்ளைகளுக்கு தற்கால வெளிநாட்டு வாழ்க்கையில் உள்ள பிரச்சினைகளை எடுத்து சொல்லி எச்சரிக்கையாக இருப்பது நலம். அப்பாவி, ஶ்ரீதர் வேம்பு உலக அளவில் இப்போது மென்பொருள் துறை நலிந்து கொண்டிருப்பதாலும், செயற்கை நுண்ணறிவின் வளர்ச்சியினால் வேலை வாய்ப்புகள் குறைந்து வருவதாலும், அதிக கடன் வாங்கி படிக்கும் மேல்படிப்புகளுக்கு போக வேண்டாம் என்றுதான் கூறுகிறார். காரணம் வேலை கிடைக்காவிட்டாலும் அல்லது குறைவான ஊதியத்துடன் வேலை கிடைத்தாலும், வாங்கிய கடனை ஆயுளுக்கும் அடைக்க முடியாது. வட்டி குடும்பத்தையே நாசம் செய்து விடும். சில வருடங்களுக்கு முன்பு வரை நிலைமை நன்றாக இருந்தது. இப்போது டிரம்ப் வேறு இந்தியர்களுக்கு வேலை கொடுக்காதீர்கள் என்று குண்டு போடுகிறார். வேம்பு அவர்கள் ஒரு தகப்பனை போல ஒரு குருவை போல அறிவுரை கூறியிருக்கிறார். வாழ்க்கையில் சில நிமிடங்களாவது உங்கள் தலையினுள் இருப்பதை உபயோகப்படுத்துங்கள்.
//சில வருடங்களுக்கு முன்பு வரை நிலைமை நன்றாக இருந்தது. // ஆமாம் ஆமாம் 2014 க்கு முன்புவரை நிலைமை சரியாகத்தான் இருந்தது. இப்போதாவது இதை உணர்ந்தால் சரி. சனாதனம் வாடை அப்படியே மணம் வீசுது. இதே உபதேசம் தகுதிக்கு மீறி கடன் வாங்கி வீடு வாங்கி வாழ்நாளில் பெரும்பகுதியை கடன்காரர்களாக கழிக்கும் மாதச் சம்பளம் வாங்கும் ஆசாமிகளுக்கும்... இவர்களின் கடன்/ வீடு மோகம் தான் ஐ சதுர கம்பெனிகள் வகையறாக்களின் முதலீடு..மிக அதிகமான விலை....அதன் பிற்கால சந்தை மதிப்பு ஏறும் வாய்ப்பு மிக மிகக் குறைவு..... இதெல்லாம் தருமி போல "ஆசை ஆசை, இதுவும் வேணும் இன்னமும் வேணும் ". பெற்றோர்களை தான் கடுமையாக கண்டிக்க வேண்டும். தன் அளவிற்கு மீரி செலவு செய்து தன் மக்கள் ஆசைப்படுவதை பூர்த்தி செய்வது தனக்கு தானே போன்றது. விரலுக்கேற்ற வீக்கம் வேண்டும் கடன்வாங்கி வெளிநாடு செல்லும் 10 மாணவர்களில், 1 நபர் இறந்து போகிறார், 2-3 நபர் கேட்ட வழக்கங்களில் மாட்டிக்கொண்டு வாழ்க்கையை தொலைக்கிறார். 2 பேர் படிக்க வேண்டிய காலத்தில் படிக்காமல் காலத்தை வீணாக்குகிறார். 2 பேர் கலாச்சார சீரழிவில் சிக்கி வாழ்க்கையை தொலைக்கிறார்கள். படிக்கப்போகும் பெண்களின் நிலைமை சிறிது பரவாயில்லை.
2-3 பேர் மட்டுமே சரியாக படித்து பெற்றோர் கடனை அடைக்கும் நிலைக்கு வருகிறார்கள். உள்நாட்டிலேயே படிச்சு ரெண்டு கோடி வேலைல ஒண்ணு தேடிக்கலாம். இவுரு மட்டும் பிரின்ஸ்டனில் படிச்சு, அங்கே தொழில் பண்ணி சம்பாரிச்சிட்டு இங்கே வேட்டியோட சைக்கிளில்.போய் சிம்பிளா இருக்கேம்பார்.நல்லதை மட்டுமே எடுத்துக்கொள்ளும் மன பக்குவம் வேண்டும்.
நல்ல அறிவுரை. ஆனால் மாணவர்களும் அவர்களின் பெற்றோர்களும் கேட்கவேண்டுமே. மாணவர்கள், பெற்றோர்கள் இருவருக்கும் வெளிநாட்டு மோகம். பலர் விஷயங்களில் இந்த மோகம், சோகமாக மாறியுள்ளது. அருமையான அறிவுரை.....இது செயற்கை நுண்ணறிவு காலம் .... எல்லோரும் கடன் வாங்கி பட்டப் படிப்புகளை படித்தபின் வேலைவாய்ப்பு கிடைக்கும் என்பதில் உத்திரவாதம் இல்லை.... ஆதலால் கடன் பட்டு கடன்காரன் ஆகாதீர்கள்.... நன்றி வேம்பு சார்....!!!-
உலகின் பெரிய விமான போக்குவரத்து சந்தையில் இந்தியா 5வது இடம்!
-
இந்தியாவுக்கான வரியை உயர்த்துவேன்: எல்லை மீறும் டிரம்ப் மிரட்டல்
-
மும்பை புறப்பட்ட இண்டிகோ விமானத்தின் டயர் பஞ்சர்; பழுது பார்க்க 4 மணி நேரம் ஆனதால் பயணிகள் அவதி
-
கொட்டும் மழையில் இபிஎஸ், நயினார் பிரசாரம்
-
கின்னஸ் சாதனை படைத்தது பரிக்சா பே சர்ச்சா 2025 நிகழ்வு; 3.53 கோடி பேர் பதிவு
-
உலகம் முழுவதும் பிரபலமாகிவரும் 'கேமல் மில்க்'...