புதுச்சேரி: சட்டசபை தேர்தல் தொடர்பாக, தமிழக முதல்வர் ஸ்டாலினை சந்தித்து, புதுச்சேரி தி.மு.க., எம்.எல்.ஏக்கள், ஆலோசனை நடத்தினர்.

புதுச்சேரியில் 2026ம் ஆண்டு, சட்டசபை தேர்தல் நடைபெற உள்ளது. இந்நிலையில், புதுச்சேரி தி.மு.க., மாநில அமைப்பாளரும் எதிர்கட்சி தலைவருமான சிவா, காரைக்கால் மாவட்ட அமைப்பாளர் நாஜிம், மாநில நிர்வாகிகளான எம்.எல்.ஏ.,க்கள் அனிபால் கென்னடி, செந்தில்குமார், சம்பத், நாக தியாகராஜன் ஆகியோர் நேற்று சென்னை அண்ணா அறிவாலயம் சென்றனர்.

அங்கு, தமிழக முதல்வர் ஸ்டாலினை சந்தித்து, புதுச்சேரி - 2026 சட்டசபை தேர்தல் தொடர்பாக ஆலோசனை நடத்தினர்.

அப்போது, தேர்தல் பணிகள் தொடர்பாக, தமிழக முதல்வர் ஸ்டாலின் பல்வேறு ஆலோசனைகளை வழங்கினார்.

இந்த சந்திப்பின் போது, தி.மு.க., முதன்மைச் செயலாளர் கே.என். நேரு, அமைப்புச் செயலாளர் ஆர்.எஸ்.பாரதி ஆகியோர் உடனிருந்தனர்.