ஆத்துார்: கடலுார் மாவட்டம் பண்ருட்டி, மணப்பாக்கத்தை சேர்ந்த, புரோக்கர்கள் வேல்முருகன், வினோத். இவர்கள் அப்பகுதியை சேர்ந்த, 24 பேரை, மர-வள்ளி கிழங்கு அறுவடை பணிக்கு, சேலம் மாவட்டம் ஆத்துார் அருகே வடசென்னிமலைக்கு அழைத்து வந்தனர். அங்கு வீடு வாட-கைக்கு எடுத்து தங்கி, பணிக்கு சென்று வருகின்-றனர்.


அங்கு கடந்த, 25ல் ஆட்டிறைச்சி சமைத்து சாப்-பிட்ட, 19 பேருக்கு வாந்தி, மயக்கம், வயிற்றுப்-போக்கு ஏற்பட்டது. நேற்று முன்தினம் ஆத்துார் அரசு மருத்துவமனையில் அனுமதிக்கப்பட்டனர். 2ம் நாளாக நேற்றும், 19 பேருக்கும் சிகிச்சை அளிக்கப்பட்டது.
இதுகுறித்து ஆத்துார் சுகாதார மாவட்ட அலு-வலர் யோகானந்த் கூறுகையில், ''டைரியா எனும் வயிற்றுப்போக்கால் பாதிக்கப்பட்டு, அனைவரும் குணமாகியுள்ளனர்.


அவர்கள் வசிப்பிடத்தில் குடிநீரில் பிரச்னை இல்லை. சாப்பிட்ட இறைச்சி ஆய்வுக்கு அனுப்-பப்பட்டுள்ளது,'' என்றார்