சோளிங்கர்: சோளிங்கர் அருகே, வெறிநாய் கடித்ததில், 15 பேர் காயமடைந்தனர்.

ராணிப்பேட்டை மாவட்டம், சோளிங்கர், பாராஞ்சி கிராமத்தில், நாய்கள் தொல்லை அதிக அளவில் இருந்து வருகிறது. சம்பந்தப்பட்ட அதிகாரிகளிடம் புகார் தெரிவித்தும், எவ்வித நடவடிக்கையும் எடுக்கவில்லை என கூறப்படுகிறது.

இந்தநிலையில், பாராஞ்சியில், நேற்று (அக்.,23), வெறி நாய் ஒன்று, சாலையில் செல்லும் பொதுமக்களை துரத்தி, துரத்தி கடித்து வருகிறது. இந்த வெறிநாய், இரு நாட்களில் மட்டும், 15 பேரை கடித்துள்ளது. இதில், காயமடைந்தவர்கள், சோளிங்கர் அரசு மருத்துவமனையில், சிகிச்சை பெற்று வீடு திரும்பினர்.