விக்கிரவாண்டி: விக்கிரவாண்டி அருகே மழையால் கூரை வீடு இடிந்து சேதமானது.

விக்கிரவாண்டி அடுத்த சோழகனுார் கிராமத்தைச் சேர்ந்தவர் முத்தையன், 54; கூலித் தொழிலாளி. நேற்று முன்தினம் இரவு பெய்த மழை காரணமாக இவரது கூரை வீட்டின் சுவர்கள் இடிந்து விழுந்து சேதமானது. அதிர்ஷ்டவசமாக வீட்டில் இருந்தவர்கள் எவ்வித காயம் இன்றி தப்பினர்.

தகவல் அறிந்த விழுப்புரம் டி.ஆர்.ஓ., ஹரிதாஸ் சம்பவ இடத்திற்குச் சென்று பார்வையிட்டு ஆய்வு செய்தார். வீடிழந்தவர்களுக்கு ஆறுதல் கூறி, சேதம் குறித்து மாவட்ட நிர்வாகத்திற்கு அறிக்கை அனுப்பி நிவாரணம் கிடைக்க வழி செய்வதாக உறுதியளித்தார்.

தாசில்தார் மகாதேவன், வி.ஏ.ஓ., வேல்முருகன், உதவியாளர்கள் சதீஷ் அரவிந்தன், அனுபாமா உடன் இருந்தனர்.