திருநெல்வேலி: திருநெல்வேலி மாநகராட்சியில் பணிபுரியும் தூய்மை பணியாளர்கள், அரசாணைப்படி நாள் ஒன்றுக்கு ரூ.783 சம்பளம் வழங்குதல், பணி நிரந்தரம், வருங்கால வைப்பு நிதி நிலுவையை செலுத்துதல் உள்ளிட்ட கோரிக்கைகளை வலியுறுத்தி மாநகராட்சி அலுவலகத்தில் இன்று (அக்டோபர் 26) காலை முதல் காத்திருப்பு போராட்டத்தில் ஈடுபட்டு வருகின்றனர்

உழைப்போர் உரிமை இயக்க மாவட்ட அமைப்பாளர் சுந்தர்ராஜன் தலைமை வகித்தார். ஏஐசிசிடியூ மாநில துணைத்தலைவர் வக்கீல் ரமேஷ் உள்ளிட்ட நிர்வாகிகள் பங்கேற்றனர். ஒப்பந்த முறையை ரத்து செய்து, அனைத்து தூய்மை பணியாளர்களையும் மாநகராட்சி ஊழியர்கள் ஆக்க வேண்டும். நிலுவை சம்பளம், தீபாவளி போனஸ் வழங்க வேண்டும் என்றும் வலியுறுத்தினர்.