கரூர்:நெரூர் சதாசிவ பிரமேந்திராள் அதிஷ்டானம் கும்பாபிஷேகத்தில் மக்கள் பிரதிநிதிகள், அரசியல் பிரமுகர்கள் கலந்து கொண்டு சுவாமி தரினசம் செய்தனர்.

கரூர் மாவட்டம், நெரூரில் காவிரி ஆற்றின் கரையோரம் அமைந்துள்ள சதாசிவ பிரமேந்திராள் அதிஷ்டானம், காசி விஸ்வநாதர், விசாலாட்சி அம்மன் கோவில் புனரமைப்பு திருப்பணிகள் நிறைவடைந்ததை தொடர்ந்து, மஹா கும்பாபிஷேக பெருவிழா, நேற்று விமரிசையாக நடந்தது. விழாவில், கரூர் எம்.பி., ஜோதிமணி, கிருஷ்ணராயபுரம் எம்.எல்.ஏ., சத்யா உள்ளிட்ட மக்கள் பிரதிநிதிகளும், அரசு அதிகாரிகளும் கலந்துகொண்டு சுவாமி தரிசனம் செய்தனர்.

தொடர்ந்து, த.வெ.க., மாநில துணை பொதுச்செயலாளரும், முன்னாள் அமைச்சருமான விஜயபாஸ்கர் கலந்துகொண்டு சுவாமி தரிசனம் செய்தார். பின், தி.மு.க., கரூர் மாவட்ட செயலரும், முன்னாள் அமைச்சருமான செந்தில்பாலாஜி கோவிலுக்கு வருகை தந்து சுவாமியை தரிசனம் செய்தனர்.