ஆத்துார்: தம்மம்பட்டி கிளை பணிமனையில் இருந்து தடம் எண்: 23 பஸ், ஆத்துாரில் இருந்து கடம்பூர், கூடமலை வழியே தம்மம்பட்டிக்கு இயக்கப்படுகிறது. அதேபோல் தடம் எண்: 28, ஆத்துாரில் இருந்து மல்லியக்கரை, கீரிப்பட்டி வழியே தம்மம்பட்டிக்கு இயக்கப்படுகிறது. இந்நிலையில் தட எண்: 28 என்ற டவுன் பஸ்சில், 28, 23 என, இரு எண்கள் அடங்கிய, 'ஸ்டிக்கர்' ஒட்டப்பட்டுள்ளது. இதனால் பயணியர் குழப்பம் அடைகின்றனர்.


இதுகுறித்து தம்மம்பட்டி அரசு போக்குவரத்து பணிமனை கிளை மேலாளர் ஷாஜகான் கூறுகையில், ''தடம் எண்: 23 பஸ் பழுதுபார்ப்பு பணியில் உள்ளதால், 28 எண் கொண்ட பஸ்சை இயக்கி வருகிறோம். 28 என்ற தட பஸ்சுக்கு மாற்று பஸ் ஏற்பாடு செய்துள்ளோம். சீரமைப்பு பணி முடிந்த பின், 28 பஸ்சில் உள்ள ஒரு வழித்தட எண் மறைக்கப்படும்,'' என்றார்.