மட்சுயமா: ஜப்பான் சாலஞ்சர் டென்னிஸ் தொடரின் காலிறுதிக்கு ராமநாதன் ஜோடி முன்னேறியது.
ஐப்பானில் ஆண்களுக்கான சாலஞ்சர் கோப்பை டென்னிஸ் தொடர் நடக்கிறது. இரட்டையர் பிரிவு முதல் சுற்றில் இந்தியாவின் ராம்குமார் ராமநாதன், சாகேத் மைனேனி ஜோடி, இந்தியாவின் சந்திரசேகர், கலியாண்டா பூனாச்சா ஜோடியை எதிர்கொண்டது.
முதல் செட்டை ராமநாதன் ஜோடி 4-6 என இழந்தது. இரண்டாவது செட் டை பிரேக்கர் வரை சென்றது. இதை ராமநாதன் ஜோடி 7-6 என வசப்படுத்தியது. வெற்றியாளரை முடிவு செய்ய போட்டி சூப்பர் டை பிரேக்கருக்கு சென்றது. இதை இழுபறிக்குப் பின் ராமநாதன் ஜோடி 10-8 என கைப்பற்றியது.
ஒரு மணி நேரம், 37 நிமிடம் நடந்த போட்டியின் முடிவில் ராமநாதன் ஜோடி 4-6, 7-6, 10-8 என்ற கணக்கில் வெற்றி பெற்று, காலிறுதிக்கு முன்னேறியது.