வாலாஜாபாத்:வாலாஜாபாத் ஒன்றியம், இளையனார்வேலூர் அடுத்த, வல்லிமேடு பகுதியில் தனியாருக்கு சொந்தமான மது உற்பத்தி தொழிற்சாலை இயங்குகிறது இத்தொழிற்சாலையில், 110 தொழிலாளர்கள் பணியாற்றுகின்றனர்.

இந்நிலையில், தொழிற்சாலை ஊழியர்கள் மற்றும் தொழிலாளர்களுக்கு, 3 மாதங்களாக ஊதியம் வழங்கப்படவில்லை எனக் கூறப்படுகிறது.

இந்நிலையில், நேற்று முன்தினம், தொழிற்சாலையில் பணியாற்றும் 50க்கும் மேற்பட்ட தொழிலாளர்கள், தங்களுக்கு முறையாக ஊதியம் வழங்கக்கோரி போராட்டத்தில் ஈடுபட்டனர்.

இதையடுத்து, தொழிற்சாலை நிர்வாகத்தினர், தொழிலாளர்கள் மற்றும் ஊழியர்களிடம் சமரச பேச்சில் ஈடுபட்டனர்

அடுத்த மாதம் முதல், முறையாக ஊதியம் வழங்குவதாக கூறியதையடுத்து, தொழிலாளர்கள் போராட்டத்தை கைவிட்டனர்.