சென்னை: தமிழக பா.ஜ., தலைவர் அண்ணாமலை, அரசியல் தொடர்பான உயர்கல்வி பயில, ஆக., 28ல் பிரிட்டன் சென்றார். மூன்று மாத பயணத்தை முடித்து, வரும் 28ம் தேதி தமிழகம் திரும்புகிறார்.


முதலாவதாக, கோவையில் மகளிரணி நடத்தும் நிகழ்ச்சியில் அவர் பங்கேற்கிறார். கடந்த இரு மாதங்களாக, பா.ஜ.,வில் புதிய உறுப்பினர் சேர்க்கை பணி நடந்து வருகிறது. இந்தப் பணியில், நிர்வாகிகள் முழுவீச்சில் ஈடுபடவில்லை என்ற புகார்கள் எழுந்தன.


இந்தச் சூழலில், இம்மாதம் இறுதியில் அண்ணாமலை நாடு திரும்புவதால், உறுப்பினர் சேர்க்கை தீவிரப்படுத்தப்படும் என்ற எதிர்பார்ப்பு எழுந்துள்ளது.