புதுடில்லி: 'ஆம் ஆத்மி கட்சியின் அனைத்துத் தொண்டர்களும் அதிக பலமும், ஆர்வமும் கொண்ட குடும்பமாக மாறிவிட்டனர். சட்டசபை தேர்தலுக்கு இப்போது இருந்து உழைக்க வேண்டும்' என ஆம்ஆத்மி கட்சி தேசிய ஒருங்கிணைப்பாளர் கெஜ்ரிவால் வேண்டுகோள் விடுத்துள்ளார்.


ஆம்ஆத்மி கட்சி தேசிய ஒருங்கிணைப்பாளரும், டில்லி முதல்வருமான அரவிந்த் கெஜ்ரிவால் கட்சி தொண்டர்களுக்கு வீடியோ ஒன்றை வெளியிட்டுள்ளார். அதில் கெஜ்ரிவால் கூறியதாவது: டில்லியை வெல்ல எளிய மனிதனுக்கு உதவி செய்யுங்கள். கடந்த 2 ஆண்டுகளில் டில்லி அரசை கவிழ்க்க பல முயற்சிகள் மேற்கொள்ளப்பட்டன. எந்த சூழலிலும் மற்ற சக்திகள் வெற்றி பெறக் கூடாது. எங்கள் கட்சி எம்.எல்.ஏ.,க்களை விலைக்கு வாங்க முயற்சி மேற் கொள்ளப்பட்டது. ஆனால் எங்கள் கட்சி உடையவில்லை.

நம்பிக்கை

ஆம் ஆத்மி கட்சியின் அனைத்துத் தொண்டர்களும் அதிக பலமும், ஆர்வமும் கொண்ட குடும்பமாக மாறிவிட்டனர். அடுத்த சில மாதங்களில், டில்லி சட்டசபை தேர்தல் நடக்க உள்ளது. டில்லி சட்டசபை தேர்தலில் நம்மைத் தோற்கடிக்க இவர்கள் எல்லாவற்றையும் செய்வார்கள். ஆம் ஆத்மி கட்சி தான் நமது நாட்டிற்கு ஒரே நம்பிக்கை. அடுத்த மூன்று மாதங்களுக்கு வேலையை விட்டுவிட்டு தேர்தலுக்கு உழைக்குமாறு கட்சி தொண்டர்கள் அனைவரையும் கேட்டுக்கொள்கிறேன். இவ்வாறு கெஜ்ரிவால் கூறியுள்ளார்.