புதுடில்லி பா.ஜ., மூத்த தலைவர், அத்வானியின், 97வது பிறந்த நாளை முன்னிட்டு, பிரதமர் மோடி உள்ளிட்டோர் வாழ்த்து தெரிவித்தனர்.

பா.ஜ., மூத்த தலைவரும், முன்னாள் துணை பிரதமருமான அத்வானிக்கு இன்று 97 வது பிறந்த நாள்.
இதையொட்டி, பிரதமர் மோடி தனது ‛எக்ஸ்' தளத்தில் வாழ்த்து தெரிவித்து பதிவேற்றியுள்ளதாவது,

இந்தியாவில் மிகவும் போற்றப்படும் அரசியல் தலைவர்களில் சிறந்தவர் அத்வானி. தேசத்தின் வளர்ச்சிக்கு தன்னை அர்ப்பணித்துள்ளார். அவர் ஆற்றிய சிறந்த சேவைக்காக அவருக்கு பாரத ரத்னா விருது வழங்கப்பட்டது.
சிறந்த அறிவுத்திறன் ,வளமான நுண்ணறிவால் என்றும் மதிக்கப்படுகிறார். அவர் நீண்ட ஆயுளுடனும், ஆரோக்கியத்துடனும் வாழ இறைவனை பிரார்த்திக்கிறேன். இவ்வாறு அதில் கூறியுள்ளார்.