அச்சிறுபாக்கம்:அச்சிறுபாக்கம் ஒன்றியத்திற்கு உட்பட்டு, கிளியா நகர் ஊராட்சி அமைந்துள்ளது. இந்த ஊராட்சிக்குட்பட்டு ஓட்டக்கோவில், சுனையம்பாறை என, இரண்டு கிராமங்கள் உள்ளன.

இதில், சுனையம்பாறை கிராமம், திருவண்ணாமலை மாவட்ட எல்லைக்கு உட்பட்ட சாலவேடு ஊராட்சி அருகே அமைந்துள்ளது.

தற்போது, டெங்கு காய்ச்சல் பரவி வருவதால், முன்னெச்சரிக்கை நடவடிக்கையாக, செங்கல்பட்டு மாவட்ட எல்லை பகுதியில் அமைந்துள்ள சுனையம்பாறை கிராமத்தில், நேற்று பொது சுகாதாரம் மற்றும் நோய் தடுப்பு மருந்துத்துறை சார்பாக, டெங்கு மற்றும் மழைக்கால நோய்களுக்கான சிறப்பு காய்ச்சல் மருத்துவ முகாம், எல்.எண்டத்துார் அரசு ஆரம்ப சுகாதார நிலைய மருத்துவக் குழுவினரால் நடத்தப்பட்டது.

மஹாத்மா காந்தி தேசிய ஊரக வேலை உறுதி திட்டத்தின் கீழ், 100 நாள் பணி செய்யும் மக்களிடத்தில் சென்று, மருத்துவர்கள் முகாம் நடந்தினர். இம்முகாமில், 100-க்கும் மேற்பட்டோர் பங்கேற்றனர்.