அச்சிறுபாக்கம்,:சென்னை -- திருச்சி தேசிய நெடுஞ்சாலையோரம், அச்சிறுபாக்கத்தில் பெண்கள் மேல்நிலைப் பள்ளி அமைந்துள்ளது. இப்பள்ளியில், 800க்கும் மேற்பட்ட மாணவியர் கல்வி பயின்று வருகின்றனர்.

பள்ளி நுழைவாயில் எதிரே, மாணவியரின் நலன் கருதி கண்காணிப்பு கேமரா பொருத்தப்பட்டது. தற்போது, 'சிசிடிவி' கேமரா பழுதடைந்து, ஒயர்கள் அறுந்து, பயன்பாடின்றி காட்சி பொருளாக மாறியுள்ளது.

எனவே, பள்ளி மாணவியரின் நலன் கருதி, அச்சிறுபாக்கம் போலீசார் 'சிசிடிவி' கேமராவை பழுது நீக்கி, மீண்டும் பயன்பாட்டிற்கு கொண்டு வர நடவடிக்கை எடுக்க வேண்டும் என, பெற்றோர் கோரிக்கை விடுத்துள்ளனர்.