சென்னை: தேசிய ஹாக்கி பைனலில் இன்று ஹரியானா, ஒடிசா அணிகள் மோதுகின்றன.

சென்னையில், சீனியர் ஆண்களுக்கான தேசிய ஹாக்கி சாம்பியன்ஷிப் 14வது சீசன் நடக்கிறது. முதல் அரையிறுதியில் மணிப்பூர், ஒடிசா அணிகள் மோதின. அபாரமாக ஆடிய ஒடிசா அணி 4-2 என்ற கோல் கணக்கில் வெற்றி பெற்று பைனலுக்குள் நுழைந்தது.

இரண்டாவது அரையிறுதியில் ஹரியானா, உத்தர பிரதேசம் (உ.பி.,) அணிகள் மோதின. ராமன், அபிமன்யு, ராஜிந்தர் சிங் கைகொடுக்க ஹரியானா அணி 3-2 என்ற கோல் கணக்கில் வெற்றி பெற்று பைனலுக்கு முன்னேறியது.
இன்று நடக்கும் பைனலில் ஹரியானா, ஒடிசா அணிகள் மோதுகின்றன. அரையிறுதியில் தோல்வியடைந்த மணிப்பூர், உ.பி., அணிகள் 3வது இடத்துக்கான போட்டியில் பங்கேற்கின்றன.