ஜெராக்ஸ் கடைக்காரர் வீட்டில்
திருடிய இரண்டு பேர் கைது
சென்னிமலை, நவ. 16-
சென்னிமலை அருகே வண்ணாம்பாறையை சேர்ந்தவர் மூர்த்தி, 39; பெருந்துறையில் ஜெராக்ஸ் கடை வைத்துள்ளார். கடந்த, 9ம் தேதி பட்டப்பகலில் இவரது வீட்டின் பூட்டை உடைத்து, 15 பவுன் நகை மற்றும் வெள்ளி பொருள் திருட்டு போனது. சென்னிமலை போலீசார் தனிப்படை அமைத்து, ஆசாமிகளை தேடி வந்தனர். இந்நிலையில் கைவரிசை காட்டிய இருவரை, ஈரோட்டில் நேற்று முன்தினம் கைது செய்தனர்.
ஈரோடு, கொல்லம்பாளையம், திரு.வி.க.வீதியில் வசிக்கும், துாத்துக்குடி மாவட்டம் கோவில்பட்டி, ஜோதி நகரை சேர்ந்த முத்துராஜா; ஈரோடு, பெரிய சேமூர், பாரதிநகரை சேர்ந்த மணிகண்டன், 35, என தெரிந்தது. இருவரையும் கைது செய்த போலீசார், 15 பவுன் தங்க நகை மற்றும் வெள்ளி பொருட்களை மீட்டனர். ஈரோடு நீதிமன்றத்தில் ஆஜர்படுத்தி, ஈரோடு மாவட்ட சிறையில் இருவரையும் அடைத்தனர்.