சிவகங்கை : சிவகங்கையில் நடந்த கூட்டுறவு வார விழா மற்றும் மாணவர் கலைத்திருவிழாவில் அமைச்சர் பெரியகருப்பன் பரிசு, சிறந்த வங்கிகளுக்கு கேடயம் வழங்கினார்.


விழாவிற்கு கலெக்டர் ஆஷா அஜித் தலைமை வகித்தார். கூட்டுறவு இணை பதிவாளர் ராஜேந்திர பிரசாத் வரவேற்றார். மத்திய கூட்டுறவு வங்கி மேலாண்மை இயக்குனர் உமாமகேஸ்வரி திட்ட விளக்க உரை ஆற்றினார். எம்.எல்.ஏ.,க்கள் தமிழரசி, மாங்குடி உள்ளிட்டோர் பங்கேற்றனர்.


விழாவில் அதிக பயிர்கடன் வழங்கிய தொடக்க கூட்டுறவு கடன் சங்கம், சிறந்த மத்திய கூட்டுறவு வங்கி கிளைகளுக்கு கேடயத்தை அமைச்சர் வழங்கினார். கடனுதவி திட்டங்களும் வழங்கப்பட்டன. துணை பதிவாளர் செந்தில்குமார் நன்றி கூறினார்.


* கல்வித்துறை சார்பில் நடந்த கலைத்திருவிழாவில் பல்வேறு போட்டிகளில் மாவட்ட அளவில் வெற்றி பெற்ற 9 ம் வகுப்பு முதல் பிளஸ் 2 வரையிலான மாணவர்களுக்கு அமைச்சர் பரிசு வழங்கினார். முதன்மை கல்வி அலுவலர் பாலுமுத்து முன்னிலை வகித்தார். உதவி திட்ட அலுவலர் பீட்டர் லெமாயூ வரவேற்றார்.


மாவட்ட கல்வி அலுவலர்கள் மாரிமுத்து (இடைநிலை), விஜயசரவணக்குமார் (தனியார் பள்ளி), செந்தில்குமரன் (தொடக்கநிலை), புவனேஸ்வரன் பங்கேற்றனர். மாவட்ட ஒருங்கிணைப்பாளர்கள் சகாய பிரிட்டோ, ஜெசிமா ஆசாத் ஏற்பாட்டை செய்திருந்தனர்.