திண்டிவனம்: மயிலம் அடுத்த ரெட்டணை கென்னடி மெட்ரிக் மேல்நிலைப் பள்ளியில் குழந்தைகள் தினத்தையொட்டி நடந்த விளையாட்டுப் போட்டியில் வெற்றி பெற்றவர்களுக்கு பரிசளிப்பு விழா நடந்தது.

கென்னடி கல்விக்குழும தலைவர் சண்முகம் தலைமை தாங்கினார். விழாவில் மாணவர்களின் கலை நிகழ்ச்சி, நடனம், திருக்குறள் ஓப்புவித்தல், மாறுவேடம் மற்றும் அறிவியல் கண்காட்சி நடந்தது.

போட்டிகளில் வெற்றி பெற்ற மாணவ, மாணவியர்களுக்கு, பள்ளி செயலாளர் சந்தோஷ் பரிசு மற்றும் சான்றிதழ் வழங்கி, சிறப்புரையாற்றினார்.

நிர்வாக இயக்குனர் கார்த்திகேயன் சண்முகம் நன்றி கூறினார்.