விழுப்புரம்: அரசு விழாவில் தி.மு.க., ஆட்சியின் திட்டங்களை புகழ்ந்து பேசிய, பா.ம.க., - எம்.எல்.ஏ.,வுக்கு, அமைச்சர் பொன்முடி பாராட்டு தெரிவித்தார்.



விழுப்புரத்தில், அனைத்திந்திய கூட்டுறவு வார விழா, கலெக்டர் பழனி தலைமையில் நேற்று நடந்தது.அமைச்சர் பொன்முடி மற்றும் எம்.எல்.ஏ.,க்கள் பங்கேற்றனர்.

விழாவில் பேசிய பா.ம.க., - எம்.எல்.ஏ., சிவகுமார், தமிழக அரசின் நகைக்கடன் தள்ளுபடி, நான் முதல்வன், புதுமைப்பெண் உள்ளிட்ட திட்டங்களை பாராட்டி பேசினார்.


உடனே அவரை அருகில் அழைத்த அமைச்சர் பொன்முடி, கைகுலுக்கி பாராட்டு தெரிவித்தார்.

பா.ம.க., நிறுவனர் ராமதாஸ், தலைவர் அன்புமணி ஆகியோர், தி.மு.க., ஆட்சியைத் தொடர்ந்து விமர்சித்து வருகின்றனர்.

இந்நிலையில், அரசு விழாவில், தி.மு.க., அரசின் சாதனைகளை பாராட்டி, பா.ம.க., - எம்.எல்.ஏ., சிவகுமார் புகழ்ந்து பேசியதும், அதே மேடையில் அவரை சீனியர் அமைச்சர் பொன்முடி பாராட்டியதும், அரசியல் வட்டாரத்தில் பரபரப்பை ஏற்படுத்தியுள்ளது.