கூடுவாஞ்சேரி : காட்டாங்கொளத்தூர் ஒன்றியம் ஊரப்பாக்கம், எம்.ஜி.நகர் விரிவு இரண்டு பகுதியில் உள்ள விவேகானந்தா தெருச்சாலை மோசமான நிலையில் உள்ளது. இந்த சாலையில் உள்ள ஜல்லிக்கற்கள் பெயர்ந்து, போக்குவரத்துக்கு லாயக்கற்ற நிலையில் உள்ளது.

இப்பகுதியில் உள்ள அனைத்து சாலைகளும் படுமோசமாக உள்ளது. இங்குள்ள சாலைகள் 15 ஆண்டுகளுக்கு முன் அமைக்கப்பட்டது. அதன்பின், சாலை சீரமைப்பு பணி நடைபெறவில்லை.

எனவே, சேதமான சாலைகளை சீரமைக்க, மாவட்ட நிர்வாகம் உரிய நடவடிக்கை எடுக்க வேண்டும் என, அப்பகுதிவாசிகள் கோரிக்கை விடுத்துள்ளனர்.