ஆண்டிபட்டி: தமிழகத்தில் அனைத்து போலீஸ் ஸ்டேஷன்களிலும் புகார், விசாரணை தொடர்பாக வரும் பொது மக்களுக்கு அதன் வளாகத்தில் கழிப்பறை வசதியுடன் கூடிய காத்திருப்புக் கூடம் அமைக்க அரசு நடவடிக்கை எடுத்துள்ளது.

போலீஸ் அதிகாரி ஒருவர் கூறியதாவது: காத்திருப்பு கூடம் அமைக்க தமிழகம் முழுவதும் 250 போலீஸ் ஸ்டேஷன்கள் முதல் கட்டமாக தேர்வு செய்யப்பட்டுள்ளன. ஒவ்வொரு ஸ்டேஷன் வளாகத்திலும் ரூ.4 லட்சம் மதிப்பில் கழிப்பறை வசதியுடன் காத்திருப்புக் கூடம் கட்ட திட்டமிடப்பட்டு உள்ளது. தேனி மாவட்டத்தில் முதலில் ஆண்டிபட்டி ஸ்டேஷனில் இதற்கான ஏற்பாடுகள் நடந்து வருகிறது என்றார்.