குஜிலியம்பாறை : பாளையம் இராமகிரி காச்சக்காரன்பட்டியை சேர்ந்தவர் சந்தோஷ் 22. குஜிலியம்பாறை தனியார் ஓட்டலில் வேலை பார்க்கிறார். தனது டூவீலரை கடை வெளியே நிறுத்தி உள்ளார். வேலை முடிந்து வெளியே வந்து பார்த்தபோது டூவீலரை காணவில்லை. கடையில் உள்ள சி.சி.டி.வி., கேமராவை பார்த்தபோது இளைஞர்கள் இருவர் டூவீலரை திருடி சென்றது தெரிந்தது. சந்தோஷ் நண்பர்கள் இருவருடன் மற்றொரு டூவீலரில் திருடர்களை தேடி சென்றனர்.

தளிப்பட்டி பிரிவு அருகே சென்றபோது சந்தோஷ் டூவீலருடன் இரு இளைஞர்கள் நின்றனர். அவர்களில் ஒருவர் சிக்கினார். வடுகம்பாடி அரண்மனையூரை சேர்ந்த காளிமுத்து என்பது தெரியவந்தது. விசாரணையில் மற்றொருவர் தெற்கு தள்ளிப்பட்டி வைரமுத்து என்பதும் தெரிந்தது.

குஜிலியம்பாறை போலீசில் காளிமுத்துவை ஒப்படைத்தனர். எஸ்.ஐ., கலையரசன் காளிமுத்துவை கைது செய்தார். வைரமுத்துவை தேடுகிறார்.