திருப்பூர் மாவட்ட குழந்தைகள் பாதுகாப்பு அலகு சார்பில், தேசிய குழந்தைகள் தின நிகழ்ச்சிகள், கடந்த 14ல் துவங்கி நடைபெற்று வருகின்றன; வரும் 20ம் தேதி வரை, குழந்தைகள் பாதுகாப்பு வாரம் கொண்டாடப்படுகிறது.

மூன்றாவது நாளான 16ம் தேதி, யங் இண்டியன்ஸ் - மாசூம் அமைப்புடன் இணைந்து, கல்வி வழிகாட்டி நிகழ்ச்சி நடத்தப்பட்டது. கலெக்டர் அலுவலக கூட்ட அரங்கில் நடைபெற்ற நிகழ்ச்சியில், மரியாலயா, சர்வாலயம், சிவசர்மிளா, ஸ்ரீ ரமணா சேவாலயம், அருள்ஜோதி ஆசிரமம் உள்பட பல்வேறு குழந்தைகள் பாதுகாப்பு இல்லங்களை சேர்ந்த, 200க்கும் மேற்பட்ட குழந்தைகள் பங்கேற்றனர். கலெக்டர் கிறிஸ்துராஜ், குழந்தைகளுக்கு பரிசு பொருட்கள் வழங்கினார். குழந்தைகளுக்கு, பாதுகாப்பு, கல்வியின் அவசியம் குறித்து விளக்கம் அளிக்கப்பட்டது.