கறம்பக்குடி: புதுக்கோட்டை மாவட்டம், கறம்பக்குடி பகுதிகளில் சில நாட்களாக ஆடுகள் திருடு போவது கால்நடை வளர்ப்போரிடம் அதிர்ச்சியை ஏற்படுத்தி வந்தது. இதனால், கறம்பக்குடி போலீசார் தனிப்படை அமைத்து தேடினர்.

தொடர்ந்து, நேற்று முன்தினம் இரவு கறம்பக்குடி அருகே மருதன்கோன்விடுதி சாலையில் போலீசார் வாகன சோதனையில் ஈடுபட்ட போது, சந்தேகத்தின்படி, ஒரு வாலிபரை பிடித்து விசாரித்தபோது, அவர் கறம்பக்குடி அருகே வேளாடிபட்டி கிராமத்தை சேர்ந்த வீரபாண்டியன், 26, என, தெரியவந்தது.

தொடர் விசாரணையில், கறம்பக்குடி பகுதிகளில் ஆடு திருடியதை ஒப்புக் கொண்டார்.

கறம்பக்குடி போலீசார் அவரை கைது செய்து சிறையில் அடைத்தனர். அவரிடம், 15 ஆடுகளை போலீசார் பறிமுதல் செய்தனர்.