மூணாறு: இடுக்கி மாவட்டத்தில், 79 இடங்களில் இன்டர்நெட் வசதி செய்யப்பட்டு, இலவசமாக, 1 ஜி.பி., வரை, 'வை-பை' பயன்படுத்த ஏற்பாடு செய்யப்பட்டுள்ளது.

கேரள அரசு நிறுவனமான ஐ.டி., மிஷன் மற்றும் பி.எஸ்.என்.எல்., நிறுவனம் சார்பில் 2,023 பொது இடங்களில், இலவச வை-பை வசதி செய்யப்பட்டுள்ளது. அதன் இரண்டாம் கட்டப்பணிகள் பூர்த்தியான நிலையில், இடுக்கி மாவட்டத்தில், 79 இடங்களில் இன்டர்நெட் வசதி உள்ளது.

அதன் வாயிலாக, 1 ஜி.பி., வரை வைபை இலவசமாக பயன்படுத்தலாம். அதற்கு மேல் பயன்படுத்தும் பட்சத்தில் குறைந்த கட்டணம் வசூலிக்கப்படும். அந்த வசதி, பஸ் நிறுத்தம், மாவட்ட அலுவலகங்கள், ஊராட்சி அலுவலகங்கள் உட்பட முக்கிய அரசு அலுவலகங்களில் பயன்பாட்டிற்கு வந்துள்ளன.

மூணாறு பகுதியில், பொறியியல் கல்லுாரி, ஊராட்சி அலுவலகம், பி.எஸ்.என்.எல்., அலுவலகம், கேரள அரசு பஸ் டிப்போ, இரவிகுளம் தேசிய பூங்காவுக்கு உட்பட்ட ராஜமலை, தேவிகுளம் ஊராட்சி அலுவலகம், ஊராட்சி ஒன்றிய அலுவலகம் என, ஏழு இடங்களில் வை-பை வசதி பயன்பாட்டிற்கு வந்துள்ளது.