திருமங்கலம் : திருமங்கலம் இலக்கிய பேரவையின் கூட்டம் லிங்கா மெட்ரிக் பள்ளி வளாகத்தில் பேரவை தலைவர் பூலோகசுந்தர விஜயன் தலைமையில் நடந்தது.

பூச்சிப்பட்டி அரசு கள்ளர் மேல்நிலைப்பள்ளி தலைமை ஆசிரியர் சுப்பிரமணியன், அன்னை வசந்த டிரஸ்ட் தலைவர் அமுதவல்லி முன்னிலை வகித்தனர். பேரவை செயலாளர் சங்கரன் வரவேற்றார். பொருளாளர் தமிழ்செல்வன், துணை செயலாளர் ஜெயபாலகிருஷ்ணன், அறிவு அன்பு அறக்கட்டளை நிறுவனர் ஜெயச்சந்திரன், முன்னாள் மாவட்ட நூலகர் இளங்கோ பேசினர்.

ராமநாதபுரம் கம்பன் கழக செயலாளர் மானுட பிரியன் சிறப்பு விருந்தினராக பங்கேற்றார். செயற்குழு உறுப்பினர் பழனிராஜ் நன்றி கூறினார்.

இறையன்பு நூலகத்தின் நிறுவனர் பார்த்தசாரதி, மக்கள் நல சங்க தலைவர் சக்கையா, தொல்காப்பிய மன்ற தலைவர் ரகுபதி, தமிழ்நாடு அறிவியல் இயக்கம் காமேஷ் உள்ளிட்டோர் பங்கேற்றனர்.