கூட்டுறவுத்துறை சார்பில், 71வது அனைத்திந்திய கூட்டுறவு வார விழா கடந்த 14ம் தேதி துவங்கியது; 20ம் தேதி வரை நடக்கிறது.வேளாண் உற்பத்தியாளர் கூட்டுறவு விற்பனை சங்கத்தில், மரக்கன்று நட்டு விழா துவங்கியது. சேமலைக்கவுண்டம்பாளையத்தில் கால்நடை மருத்துவ முகாம் நடத்தப்பட்டது.

திருப்பூர், காங்கயம் ரோடு, மாவட்ட நுகர்வோர் கூட்டுறவு மொத்த விற்பனை பண்டக சாலை முன்பு, நேற்று விற்பனை மேளா நடந்தது. மளிகை, மாவுப்பொருட்கள், மசாலா உள்ளிட்ட பொருட்கள் விற்கப்பட்டன. இன்று குமரன் கல்லுாரியில் கூட்டுறவுத்துறை சார்பில் கருத்தரங்கம் நடக்கிறது. வரும், 20ம் தேதி ரத்ததான முகாமுடன் விழா நிறைவடைகிறது.