பெங்களூரு: பெங்களூரு அணி பவுலிங் பயிற்சியாளராக ஓம்கர் சால்வி நியமிக்கப்பட்டார்.
இந்திய அணி முன்னாள் வேகப்பந்து வீச்சாளர் அவிஷ்கர் சால்வி. தற்போது இந்திய பெண்கள் அணி பயிற்சியாளராக உள்ளார். இவரது சகோதரர் ஓம்கர் சால்வி. கடந்த ஐ.பி.எல்., சீசனில் கோல்கட்டா அணி உதவி பவுலிங் பயிற்சியாளராக செயல்பட்டார். கோல்கட்டா அணி கோப்பை வென்றது.
அடுத்து உள்ளூர் தொடரில் மும்பை, பயிற்சியாளர் (பவுலிங்) ஆனார். 7 ஆண்டுக்குப் பின் மும்பை அணி ரஞ்சி கோப்பை, இரானி கோப்பை வென்றது. பல்வேறு தொடரில் கடந்த 8 மாதத்தில், ஓம்கர் இடம் பெற்ற அணி 8 கோப்பை கைப்பற்றியுள்ளது.
வரும் ஐ.பி.எல்., தொடரில் இவர், பெங்களூரு அணி பவுலிங் பயிற்சியாளராக நியமிக்கப்பட்டார். 2008 முதல் சாதிக்காத பெங்களூரு அணிக்கு, 2025ல் முதல் ஐ.பி.எல்., கோப்பை வென்று தர ஓம்கர் முயற்சிக்கலாம்.