ஆர்.கே.பேட்டை; திருவள்ளூர் மாவட்டம் ஆர்.கே.பேட்டை அடுத்த ராஜாநகரம் கிராமத்தைச் சேர்ந்தவர் குபேந்திரன், 38. இவர், நேற்று மதியம் வீட்டிற்கு காரில் வந்துக் கொண்டிருந்தார்.

ராஜாநகரம் சிறுபாலம் அருகே வந்த போது, எதிரே சாலையோரம் நடந்து வந்த மூன்று பெண்கள் மீது கார் மோதி, சாலையோர பள்ளத்தில் கவிழ்ந்தது. இதில், புதுார் காலனி நிர்மலா, 40, அம்மு, 30, ஆகிய இருவரும் படுகாயமடைந்தனர்.

காயமடைந்த இரு பெண்களை அவ்வழியாக சென்றவர்கள் மீட்டு, சோளிங்கர் அரசு மருத்துவமனையில் சேர்த்தனர். குபேந்திரனும், மற்றொரு பெண்ணும் காயமின்றி தப்பினர்.

ஆர்.கே.பேட்டை போலீசார் விசாரித்து வருகின்றனர். குபேந்திரன் மதுபோதையில் கார் ஓட்டி வந்ததாக கூறப்படுகிறது.