சேலம்: சேலம் மாவட்டம், தாரமங்கலம் அருகே உள்ள, அரியாம்பட்டி ஊராட்சி ஒன்றிய நடுநிலைப்பள்ளியில், ஆங்கில பட்டதாரி ஆசிரியராக உள்ளவர் சீதாராமன், இவர் அரசு பணியில் இருந்து கொண்டு, அ.தி.மு.க., கட்சி சார்ந்த பணிகளை செய்து வருவதாகவும், பள்ளி வேலை நேரத்தில் தொலைபேசி பேசிக்கொண்டே இருப்பதால், பாடம் நடத்துவதில்லை எனவும் பள்ளிக்கல்வித் துறைக்கு புகார் அனுப்பப்பட்டது.


இதன் அடிப்படையில் கடந்த, 14ல், தாரமங்கலம் மாவட்ட கல்வி அலுவலர் (தொடக்கக்கல்வி) ராஜூ நேரடி விசாரணை நடத்தினார். இதில், அரசியல் சார்ந்த விவசாய சங்கத்தில் பொறுப்பாளராக இருப்பதை ஒப்புக்கொண்டார். இதையடுத்து ஒழுங்கு நடவடிக்கை எடுக்கப்பட்டுள்ளது.
தங்கம் பவுனுக்கு
ரூ.480 விலை உயர்வு
சேலம்:
சர்வதேச மார்க்கெட் நிலவரத்தின்படி, நேற்று தங்கம் விலை உயர்ந்து விற்பனையானது. கடந்த, 16ல், ஒரு கிராம் தங்கம், 6,880 ரூபாய்க்கும், பவுன், 55,040 ரூபாய்க்கும் விற்பனையானது. வெள்ளி கிராம், 96, பார் வெள்ளி, 96,000 ரூபாய்க்கு விற்பனை செய்யப்பட்டது. இந்நிலையில் நேற்று தங்கம் கிராமிற்கு, 60 ரூபாய் உயர்ந்து, 6,940, பவுன், 480 ரூபாய் விலை உயர்ந்து, 55,520 ரூபாய்க்கு விற்பனையானது. வெள்ளி விலையில் மாற்றம் இல்லாமல் விற்பனையானது.