புதுச்சேரி: கர்னல் சி.கே.நாயுடு கோப்பைக்கான கடைசி லீக் போட்டி புதுச்சேரி அணி 371 ரன்கள் வித்தியாசத்தில் வெற்றி பெற்றது.

இந்திய கிரிக்கெட் கட்டுப்பாட்டு வாரியம் நடத்தும் 23 வயதிற்கு உட்பட்ட ஆடவர் 4 நாள் கர்னல் சி.கே. நாயுடு கோப்பைக்கான போட்டிகள் நடந்து வருகிறது.

இதற்கான கடைசி லீக் போட்டி புதுச்சேரி- சிக்கிம் அணிகளுக்கு இடையே புதுச்சேரி சீகெம் மைதானம் கடந்த 15ம் தேதி துவங்கியது.

முதலில் ஆடிய புதுச்சேரி அணி முதல் இன்னிங்சில் 385 ரன்கள் எடுத்தது. ஜஸ்வந்த் ஶ்ரீராம் 158 ரன்கள் அடித்தார். பின்னர் ஆடிய சிக்கிம் முதல் இன்னிங்சில் 257 ரன்களுக்கு ஆட்டம் இழந்தது.

தொடர்ந்து, இரண்டாவது இன்னிங்சை ஆடிய புதுச்சேரி அணி 8 விக்கெட் இழந்து 390 ரன்கள் எடுத்தது, டிக்ளர் செய்தது.

நேயம் ஷ்யாம் 130 ரன்களும், நிதின் பிரணவ் 103 ரன்களும் எடுத்தனர். தொடர்ந்து ஆடிய சிக்கிம் அணி 147 ரன்களில் ஆட்டம் இழந்தது. புதுச்சேரி அணி 371 ரன்கள் வித்தியாசத்தில் அபார வெற்றி பெற்றது. புதுச்சேரி அணியின் கரன் கண்ணன் 5 விக்கெட்களை விழுத்தினார்.

தொடர்ந்து, வரும் 23ம் தேதி நடக்கும் இறுதி போட்டியில் அஸ்ஸாம் அணியை புதுச்சேரி அணி எதிர் கொள்கிறது.