அனுப்பர்பாளையம் : வைகுண்ட ஏகாதசி விழாவையொட்டி, பெருமாள் கோவில்களில் பக்தர்களுக்கு பிரசாதமாக வழங்க, பெருமாநல்லுார் ஆதிகேசவப்பெருமாள் கோவில் வளாகத்தில் லட்டு தயாரிக்கும் பணியில் திருப்பூர் மகாவிஷ்ணு சேவா சங்கத்தினர் ஈடுபட்டுள்ளனர்.

இதன் தலைவர் தனபால் கூறியதாவது:

இந்த ஆண்டு 13வது ஆண்டாக லட்டு பிரசாதம் வழங்குகிறோம். மொத்தம் 27 ஆயிரம் லட்டு தயாரிக்கும் பணியில், சங்க உறுப்பினர்கள் 200 பேர் ஈடுபட்டுள்ளனர். ஆதிகேசவ பெருமாள் கோவிலுக்கு 15 ஆயிரம், தாளக்கரை லட்சுமி நரசிம்மர் கோவிலுக்கு 2 ஆயிரம், திருமுருகன் பூண்டி கரிவரதராஜ பெருமாள் கோவிலுக்கு 6 ஆயிரம், கோபி பிரசன்ன வெங்கடேச பெருமாள் கோவிலுக்கு ஆயிரம், கணக்கம்பாளையம் உலகளந்த பெருமாள் கோவிலுக்கு ஆயிரம் என வழங்குகிறோம்.