புவனகிரி : புவனகிரி அருகே வேன் மோதிய விபத்தில் சாலையில் நடந்து சென்ற முதியவர் உயிரிழந்தார்.

புவனகிரி அடுத்த குமுடிமுலை கிராமத்தை சேர்ந்தவர் ஜெயராமன், 60; கூலித்தொழிலாளி. இவர், கடந்த 16ம் தேதி மாலை பி.உடையூர் பஸ்டாப் அருகே நடந்து சென்றார். அப்போது, விருத்தாசலம் - புவனகிரி சாலையில் வந்த வேன் அவர் மீது மோதியது. பலத்த காயமடைந்த ஜெயராமனை, அருகில் இருந்தவர்கள் 108 ஆம்புலன்ஸ் மூலம் புவனகிரி அரசு மருத்துவமனையில் சேர்த்தனர்.

மேல் சிகிச்சைக்காக தஞ்சாவூர் அரசு மருத்துவக் கல்லூரி மருத்துவமனையில் சேர்த்தனர். அங்கு, நேற்று இறந்தார். புவனகிரி போலீசார் வழக்கு பதிந்து விசாரிக்கின்றனர்.