புதுச்சேரி: புதுச்சேரி, காந்தி வீதியை சேர்ந்தவர் பிரசன்னராஜ் அண்ணாதுரை,41; சாப்ட்வேர் இன்ஜினியர்.

இவரை தொடர்பு கொண்ட மர்ம நபர், ஆன்லைன் பங்குசந்தையில் முதலீடு செய்தால், அதிக லாபம் சம்பாதிக்கலாம் என, ஆசை வார்த்தை கூறினார். இதைநம்பி, மர்மநபர் கூறியபடி பங்கு சந்தையில் பல்வேறு தவணையாக ரூ. 1 கோடியே 64 லட்சத்து 50 ஆயிரம் செலுத்தினார். அதற்கான லாபத் தொகையாக ரூ. 5 கோடி காட்டியுள்ளது.

ஆனால் லாப பணத்தை எடுக்க முடியவில்லை. மர்ம நபரையும் தொடர்பு கொள்ள முடியவில்லை. அதன் பிறகே ஆன்லைன் மோசடி கும்பலிடம் பணத்தை இழந்தது தெரியவந்தது. புகாரின் பேரில், புதுச்சேரி சைபர் கிரைம் போலீசார் வழக்குப் பதிந்து விசாரித்து வருகின்றனர்.