கண்டமங்கலம் : கெங்கராம்பாளையம் தானியங்கி டோல்கேட் திறப்பு விழா இன்று நடக்கிறது.

விழுப்புரம் - நாகப்பட்டினம் நான்கு வழிச்சாலையில், கெங்கராம்பாளையம் டோல்கேட் கடந்த ஜன. 3ம் தேதி திறக்கப்பட்டு, சுங்க கட்டணம் வசூலிக்கப்படும் என, தேசிய நெடுஞ்சாலை ஆணையம் அறிவித்திருந்தது.

ஆனால் பணிகள் நிறைவுபெறாதது, தென்னக ரயில்வே அதிகாரிகள் அனுமதி அளிக்காதது போன்ற காரணங்களால் டோல்கேட் திறப்பு தள்ளி வைக்கப்பட்டது.

இந்த நிலையில் பணிகள் முடிந்து கெங்கராம்பாளையம் தானியங்கி டோல்கேட் திறப்பு விழா இன்று பிப்., 24ம் தேதி நடக்கிறது.

டோல் கேட் இன்று திறக்கப்பட்டு, சுங்க கட்டணம் வசூலிக்கப்படும் என நகாய் அறிவித்துள்ளது.

டோல்கேட் அமைக்கப்பட்டுள்ள எட்டு வழிகளில் வாகனங்களை அனுமதித்து பரிசோதனை ஓட்டம் நேற்று நடந்தது. தொடர்ந்து ஊழியர்கள் வாகனங்கள் குறிப்பிட்ட நேரத்தில் செல்கிறதா? நிர்ணயிக்கப்பட்ட நேரத்தில் தடுப்பு கட்டைகள் விளக்கிக் கொள்ளப்படுகிறதா என்று சோதித்துப் பார்த்தனர்.