புதுச்சேரி: ராணிப்பேட்டை மாவட்டம், அரக்கோணத்தை சேர்ந்தவர் விக்னேஷ், 34; தனியார் நிறுவன ஊழியர். இவர் கடந்த மாதம் வேலை தொடர்பாக, புதுச்சேரிக்கு வந்து விட்டு, 30ம் தேதி மீண்டும் அரக்கோணம் செல்ல புதுச்சேரி ரயில் நிலையத்தில் காத்திருந்தார்.

தனது லேப் டாப் பேக்கில், ஐ பேடை வைத்து விட்டு, ரயில் வருகை தாமதம் ஆனதால், பிளாட்பாமில் துாங்கியுள்ளார். பின்னர், லேப் டாப், ஐ பேட் ஆகியவை பேக்குடன் காணவில்லை. அருகில் இருந்தவர்களிடம் விசாரித்தும் எந்தவித தகவலும் கிடைக்கவில்லை.

இதுகுறித்து, விக்னேஷ் அளித்த புகாரின் பேரில், ஒதியஞ்சாலை போலீசார் வழக்குப் பதிந்து லேப் டாப் மற்றும் ஐ பேட் திருடி சென்ற மர்மநபர் குறித்து, ரயில் நிலையத்தில் உள்ள சி.சி.டி.வி., கேமரா காட்சிகளை பார்வையிட்டு, ஆய்வு செய்து வருகின்றனர்.