அரியாங்குப்பம்: சித்திரை தமிழ் மாதத்தை கொண்டாடும் வகையில், புதுச்சேரி மெரினா கடற்கரையில் வரும் 13ம் தேதி கலை நிகழ்ச்சி நடக்கிறது.

அரியாங்குப்பம் அடுத்த மணவெளி இசை பூக்கள் அமைப்பு சார்பில், ஆங்கில புத்தாண்டை போல, தமிழ் புத்தாண்டை கொண்டாட திட்டமிடப்பட்டுள்ளது.

இவ்விழாவை. புதுச்சேரி மெரினா கடற்கரையில், வரும் 13ம் மாலை 7:00 மணி முதல் இரவு 12:00 மணி வரை கொண்டாடப்படுகிறது.

இந்த விழாவில், தமிழக பாரம்பரியம், கலாசாரம் பண்பாட்டை நினைவு கூறும் வகையில், கரகாட்டம், மயிலாட்டம் சிலம்பாட்டம், தாரை தப்பட்டை, சுருள் சண்டை, தீப்பந்தாட்டம், வானவேடிக்கை உள்ளிட்ட பல்வேறு கலை நிகழ்ச்சிகள் நடைபெற உள்ளதாக, இந்த அமைப்பின், ஒருங்கிணைப்பாளர் மணிமாறன் தெரிவித்துள்ளார்.