புதுச்சேரி : மொரட்டாண்டி சனீஸ்வரர் கோவிலில் அமைந்துள்ள தட்சணாமூர்த்தி மற்றும் 18 சித்த பீடத்திற்கு இன்று காலை மகா கும்பாபிேஷகம் நடக்கிறது.

புதுச்சேரி அடுத்த மொரட்டாண்டியில் சனீஸ்வரர் கோவில் உள்ளது. இங்கு அமைக்கப்பட்டுள்ள 9 அடி உயர தட்சணாமூர்த்தி சுவாமி, 6 அடி உயரமுள்ள 18 சித்தர்கள், 27 நட்சத்திரம், 12 ராசி பீடத்தில் அமர்ந்து அருள்பாலிக்கும் சித்த குரு பீடத்திற்கு இன்று (16ம் தேதி) காலை மகா கும்பாபிேஷகம் நடக்கிறது.

இதற்கான பூஜை நேற்று முன்தினம் காலை கணபதி பூஜையுடன் துவங்கி, அன்று மாலை முதற்கால யாக பூஜை நடந்தது. நேற்று காலை சிறப்பு பூஜைகளை தொடர்ந்து புதிய சுவாமிகளுக்கு கண் திறக்கப்பட்டது. தொடர்ந்து 2ம் கால யாக பூஜை, மாலை 3ம் கால யாக பூஜை, மகா பூர்ணாஹூதி, சோடச உபசார பூஜைகள், மகா தீபாராதனை மற்றும் மங்கல ஆரத்தி நடந்தது.

இன்று (16ம் தேதி) காலை 6:00 மணிக்கு நான்காம் கால யாக பூஜை, மகா பூர்ணாஹூதியை தொடர்ந்து கடம் புறப்பாடாகி 10:00 மணிக்கு தட்சணாமூர்த்தி, 10:18 மணிக்கு 18 சித்தர்களுக்கு கும்பாபிஷேகம் நடக்கிறது. 10:30 மணிக்கு அனைத்து குருமார்களுக்கும் மகா தீபாராதனை நடக்கிறது.