போன் பேச்சு ஒட்டு கேட்கும் தமிழக அரசு: நயினார் நாகேந்திரன் குற்றச்சாட்டு
கோவை: ''தமிழக அரசு எனது போனை ஒட்டு கேட்கிறது'' என்று மாநில பா.ஜ., தலைவர் நயினார் நாகேந்திரன் குற்றம் சாட்டியுள்ளார்.
தமிழக பா.ஜ.,தலைவராக பொறுப்பேற்ற பிறகு, கோவை வருகை தந்த நயினார் நாகேந்திரன் பேசியதாவது: கூட்டணியை பற்றியும், எத்தனை சீட் என்பதை பற்றியும் யாரும் கவலைப்பட வேண்டாம். அது குறித்து பேஸ்புக், ட்விட்டரில் பதிவு போட வேண்டாம். அது பற்றி பேச வேண்டியது அகில இந்திய தலைமை. அவர்கள் முடிவு செய்வர்.
பேஸ் புக், டிவிட்டரில் போட்டாலும் எப்படியாவது கைது செய்ய வேண்டும், போனில் பேசினாலும் ஒட்டு கேட்க தயாராகி வருகின்றனர். தமிழக அரசு எனது போனை ஒட்டு கேட்கிறது. யார் என்ன செய்கிறார்கள் என்பதை தி.மு.க, அரசு கண்காணிக்கிறது. பா.ஜ., தொண்டர்கள் எல்லோரும் போனில் கொஞ்சம் எச்சரிக்கையாக பேசுவது நல்லது.
இரட்டை இலையோடு, அதிக அளவில் எம்.எல்.ஏ.,க்கள் வரும் தேர்தலில் வெற்றி பெறுவர். 2026 ல், அவுட் ஆப் கன்ட்ரோலில் தான் தி.மு.க., இருக்கும். ஹரியானாவுக்கும், டில்லிக்கும், மத்திய பிரதேசத்துக்கும், உ.பி.,க்கும் அமித்ஷா சென்றார். அங்கு எல்லாம் பா.ஜ., ஆட்சியை கொண்டு வந்தார். தமிழகத்துக்கு வந்துள்ளார்; இங்கும் பா.ஜ., ஆட்சியை கொண்டு வருவார்.
பா.ஜ.,வை வலுப்படுத்தியதில், முன்னாள் தலைவர்களுக்கு பெரும் பங்கு உள்ளது. அ.தி.மு.க., தலைவர்களோடு, தொண்டர்களோடு பயணிக்க வேண்டும். தேசிய ஜனநாயக கூட்டணி ஆளும் கட்சியாக வர வேண்டும். நம் சனாதன தர்மத்தையும், வேதமந்திரங்களையும் பாதுகாக்க வேண்டும். இன்னுமொரு முறை தி.மு.க., ஆட்சிக்கு வந்தால், நம்மை நாமே பாதுகாக்க முடியாத நிலை ஏற்படும். இவ்வாறு, நயினார் நாகேந்திரன் பேசினார்.
முன்னதாக நடந்த வரவேற்பு நிகழ்ச்சியில், அவரை சாரட் வண்டியில் 1 கி.மீ.,துாரம் வரை, மேளதாளம், ஆடல்களுடன் அழைத்து வந்து வரவேற்றனர். நிகழ்ச்சியில், பா.ஜ., மாவட்ட தலைவர் ரமேஷ்குமார், பொது செயலாளர் முருகானந்தம், மத்திய அமைச்சர் முருகன், எம்.எல்.ஏ.,க்கள் வானதி, சரஸ்வதி, உள்ளிட்டோர் பங்கேற்றனர்.
ஹி ஹி அதுக்கு பேர் போனதே உங்க கட்சிதானே அதெப்படி கட்சியில் ஒருத்தர் பொய் சொல்லலாம் வர்ரது எல்லாம் பொய் பொழப்பு நடத்தினால் எப்படி
உக்ளடி வேலை நடக்குதான்னு கண்காணிக்க உங்க போனை ஒன்றிய ஆளுங்கதான் ஒட்டு கேக்கறாங்க. ஒருவேளை அதிமுக ஆட்சிக்கு வந்தாலும் ஆள போவது அதிமுகயில்லை. திரையின் பின்னால் மறைவாக நின்று ஆட்டுவிப்பது அவர்கள்தான். திமுக தெரிந்த பேய். அவர்கள் தெரியாத பேய்கள். Now you can make your choiceவிடியலின் பின்னால் இருந்து ஆட்டுவிக்கும் மதம் மாற்றிகள் தெரிந்த பேய? எடப்பாடி ஆட்சியில் நான்கு ஆண்டுகள் மக்கள் எவ்வளவோ நிம்மதியாக இருந்தார்கள். இது மக்கள் சொல்வதுதான் ...தமிழ் தமிழன் தமிழன்டா ..
தமிழகத்தில் தாமரை ... நீங்க சொல்றத நானும் வழிமொழிகிறேன்... போதுமா?
மாநில உளவுத்துறை இல்லாத உரிமைகளை எடுத்துக்கொண்டு ஒட்டுக் கேட்பது அக்கிரமம். பங்காளிகளை ஒட்டுக்கேட்பதால் ஒரு பயனும் இல்லை..
எவனை ஏவல் துறையை விட்டு கைது பண்ணனும் அதற்க்கு தான் இந்த ஒட்டு கேட்ப்பு வரும் மாநில தேர்தலில் இரட்டை இலைகளுடன் ஒரு தாமரை மலரையும் சேர்த்து சின்னத்தை விளம்பரப்படுத்தினால் மக்களுக்கு நன்றாக புரியும் இனி இரண்டும் ஒன்று அவர்களும் நம்புவார்கள்
என்று இதன் மூலமாக மக்களின் வாக்குகளை எளிதாய் அள்ளலாம் அ.தி.மு.க. ஆட்சியே நடக்கும் திருச்சி மாவட்டம் உறையூரில் கழிவுநீர் கலந்த குடிநீரைக் குடித்ததால் 3 பேர் உயிரிழந்துள்ளதாகவும், 50-க்கும் மேற்பட்டோர் சிகிச்சை பெற்று வருவதாகவும் செய்தி ....15 நாட்களாக குடிநீரில் பிரச்சனை இருப்பதாக மக்கள் மாநகராட்சிக்கு புகார் அளித்தும், இந்த கேடு கெட்ட மாடல் ஆட்சியில் எந்தவித நடவடிக்கையும் எடுக்காததன் விளைவே இந்த உயிரிழப்புகள் என மக்கள் கூறுகின்றனர்..... இரட்டை இலையோடு மத்தியில தாமரைப்பூ மலர்ந்தால் நன்றாகவே இருக்கும் பூவும் இலையும் என்றே சொல்வார்கள் வெறும் பூ வெறும் இலைகள் என்பதைவிட இலைகளோடு பூ என்றாலே அதற்கு தனி மகத்துவம் உண்டு விரைவில் அதை அடைந்தே தீருவோம்-
பெங்களூரு விமான நிலையத்தில் இண்டிகோ விமானம்- மினி வேன் மோதல்: விசாரணை தீவிரம்
-
நாடு கடத்தப்படுவாரா ஷேக் ஹசீனா; 'இன்டர்போல்' உதவியை நாடும் வங்கதேசம்!
-
குடிமகன்கள் அட்டகாசம் மக்கள் மன்றத்தில் புகார்
-
காஷ்மீரில் கனமழை; நிலச்சரிவில் சிக்கி 3 பேர் பலி
-
என்.ஆர்.காங்., பிரமுகர் தர்பூசணி வழங்கி அசத்தல்
-
பி.எஸ்.என்.எல்., சிறப்பு முகாம் புதுச்சேரியில் நாளை துவக்கம்
