விழுப்புரம்: வணிகர் தினத்தை முன்னிட்டு, விழுப்புரத்தில் பெரும்பாலான கடைகள் மூடப்பட்டது.

தமிழகத்தில் நேற்று வணிகர் தின விழா கொண்டாடப்பட்டது. இதையொட்டி, விழுப்புரத்தில் வணிகர்கள் நேற்று கடைகளை மூடினர். விழுப்புரம் நகரில் ஜவுளி கடைகள், நகை கடைகள், ஓட்டல்கள், மளிகை கடைகள் உள்ளிட்ட பெரும்பாலான கடைகள் மூடப்பட்டது. எப்போதும் பரபரப்பாக காணப்படும் காமராஜர் வீதி உள்ளிட்ட பல சாலைகள் வெறிச்சோடி காணப்பட்டது. மருந்து கடைகள், டீ கடைகள் உள்ளிட்ட சில கடைகள் மட்டும் திறந்திருந்தது.

விக்கிரவாண்டி

மதுராந்தகத்தில் நடக்கும் வணிகர் தின விழாவில் பங்கேற்க விக்கிரவாண்டி வர்த்தர்கள் சங்க தலைவர் ராஜபாண்டியன் தலைமையில் நேற்று புறப்பட்டு சென்றனர்.

இதனால் விக்கிரவாண்டியில் ஒரு நாள் கடையடைப்பு செய்தனர். கடைவீதிகள் மக்கள் நடமாட்டம் இன்றி வெறிச்சோடி காணப்பட்டது.