தஞ்சாவூர்:தஞ்சாவூர் பெரியகோவிலில், சித்திரைப் பெருவிழா தேரோட்டம் கோலாகலமாக நேற்று நடைபெற்றது.

உலக புகழ்பெற்ற தஞ்சாவூர் பெரியகோவிலில், சித்திரை பெருவிழா, ஏப்., 23ம் தேதி கொடியேற்றத்துடன் துவங்கியது. விழாவின் முக்கிய நிகழ்வான திருத் தேரோட்டம் நேற்று காலை நடந்தது. கோவிலில் இருந்து ஸ்ரீ தியாகராஜர், ஸ்ரீ கமலாம்பாள், ஸ்கந்தர் புறப்பாடும், முத்துமணி அலங்கார சப்பரத்தில் பஞ்சமூர்த்திகள் புறப்பாடும் நடைபெற்றது.

பின் தேரில், ஸ்ரீ தியாகராஜர், கமலாம்பாள் எழுந்தருளினர். அப்போது, தேரை வடம் பிடித்து இழுத்தனர். பகல், 12:30 மணிக்கு தேர் நிலையத்தை அடைந்தது.